Қазақша
  • Қазақша
  • Русский

Мал шаруашылығын дамыту жобаларына несие беріледі

«ҚазАгро» холдингінің еншілес компаниясы саналатын Ауыл шаруашылығын қаржылай қолдау қоры мал шаруашылығын дамыту жобаларына 30 млн. теңгеге дейін несие беруді жоспарлап отыр.


 «ҚазАгро» холдингінің еншілес компаниясы саналатын "Ауыл шаруашылығын қаржылай қолдау қоры" мал шаруашылығын дамыту жобаларына 30 млн. теңгеге дейін несие беруді жоспарлап отыр.Қордың баспасөз қызметінің хабарлауынша, ол жеке кәсіпкерліктерге, шаруа қожалықтарына және фермерлік шаруашылықтарға бағытталған.


Ірі қара, қой және түйе шаруашылығын  дамытуға берілетін бұл несие 10 жыл мерзімге дейін беріледіЖылдық сыйақы мөлшері 16% болғанмен, 10 пайызын мемлекет субсидиялайды. Яғни, шаруа несиені 6 пайызбен төлейді. Негізгі борышты өтеу бойынша жылға дейін, ал, сыйақыны өтеу бойынша 1жылға дейінгі жеңілдік мерзімі қарастырылған.

Негізгі борыш пен сыйақыны ай сайын, тоқсан сайын немесе жарты жылда бір төлеп тұру мүмкіндігі де жасалған.

 Қойылатын талаптар: ірі қара ұстайтын қорасы мен жайылымдық жері болуы қажет және төлін бордақылау алаңына тапсыру жөнінде келісімшарт жасасуы тиіс. Қазіргі уақытта шаруалардың барлығы қолда бар малын асылдандырып, сапасын арттыру бағытында жұмыс жүргізіп жатыр. Қордан несие алған кәсіпкер де малын асылдандыруы тиіс.

Егер, бірден асыл тұқымды сиыр сатып алынатын болса 25% жекеменшік мүлікті және 75% сатып алынатын малды кепілге қою арқылы қаржыландыру мәселесі де қарастырылады.
 
Қой шаруашылығын дамытамын дегендердің де қора-жайы мен жайылымдық жері болуы тиіс. Тоқтыларын ет өңдейтін кәсіпорынға тапсыру келісімшартын жасасады. Түйе шаруашылығы бойынша да түйе сүтін, жүнін қайта өңдеу кәсіпорнына тапсыру жөнінде келісім жасалуы керек.
 
Ең бастысы үміткердің несие тарихы жақсы болғаны абзал. Кепілге қоятын мүлкі болуы шарт. Бұдан бөлек, бюджеттік және қаржы ұйымдарының алдында мерзімі өткен берешегі болмауы тиіс.



Ерлік Ержанұлы