Журналист Мақсат Толықбай жаңа жобаны қолға алды

      Иә,  рас... Бұдан былай  "Малтабу"  сайтына жетекшілік етемін. Құжат жағы былай:  "Малтабу" порталын бірнеше жыл бұрын ашқан Ербол Әбдрайымов менімен серіктесе жұмыс жасай береді. Енді қараңыз,  жүк көлігімен Шымкент, Түркістан, Семей, Өскемен, Арқа мен бүкіл батысты аралап, ауылдағы ағайынның бейнетпен баққан малын арзан бағаға алып, қымбатқа сататын делдалдардың дәуірі жүріп тұр.  Қаскелеңнің "авторыногына" соңғы рет қашан бардыңыз? "Колесо.кз" кәдімгідей  тұншықтырды.

Ендеше ауылдағы сатушы мал басына 500 теңгеден төлеп,  жексенбі сайын неге қаладағы базарға тасып немесе делдалға жем болу керек? Делдал тұрғанда мал мен ет өткізуші пайда тауып жарытпайды, етті сатып алушы да жырғамайды. Делдал үстіне үстемелеп баға  қосқан соң қалағанынша емес бұйырғанын ғана алып отырған жай бар. Сондықтан ауылдағы ағайынға жылқы, сиыр, түйе,  қой,  ешкі, тауық, қаз-үйрек, шұбат,  сүт, қымыз, жабдықтар, жем-шөп т.б еш ақысыз саудаға шығаруға толық жағдай жасалуы керек деп санаймыз. Қожайындары Ресей, Украинада отырған  "ОLX Kz",  "kolesa.Kz"  сияқты сайт жасау-қазақтың қолынан келмей ме? Келеді. Ендеше неге Ресей мен Украинаның пысықайлары біздің нанымызды жеуі тиіс?!  

    Тәуекел, көрейік! Шаруаларға обалды боп шіріп жатқан мал терісі мен жүнін үйде отырып  өткізетін мүмкіндікті  табуға қолдан келгенше көмектесеміз. Сайтты интернет қолжетімді қалалы жердегі тұрғындар ғана көре алады деп қамықпаңыз, мобильді қосымшасы да бар. Əлбетте алдағы уақытта ұсыныс тілектердің негізінде оны да жетілдіру жоспарланып отыр.

Әзірге, малыңызды сатуға немесе сатып алуға мүмкіндік беретін Қазақстандағы жалғыз портал біздікі.  Мекен-жайыңызбен телефон нөміріңізді жазып,  қорадағы малыңызды суретке түсіріп сайтқа жүктесеңіз жеткілікті. Асқа,  соғымға мал іздеген ағайын да  ешқандай делдалсыз арзан бағада таңдап тұрып ала алса деймін.

📲MaltabuKZ мобильді қосымшасын жүктеу: http://onelink.to/maltabukz

🔎Қосымшаны жүктеп, "Бәйгеге қатысу" түймесін басып бір жылқы ұтысына қатыс!