Күнбағыс дәнін сыртқа шығаруға шектеу енгізілді

Қазақстанның азық-түлік қауіпсіздігін қамтамасыз ету мақсатында тағы бір шектеу енгізілді. Атап айтқанда 30 қыркүйекке дейін ел аумағынан күнбағыс дәнін  әкетуге квота енгізілуде.

«Қазақстан Республикасы аумағынан жекелеген тауарларды әкетудің кейбір мәселелері туралы»  Ауыл шаруашылығы министрінің міндетін атқарушының 5 шілдедегі № 214 бұйрығымен күнбағыс дәндерін Қазақстан аумағынан әкетуге сандық шектеулер (квоталар) енгізіледі. Шектеулер 2022 жылғы 8 шілдеден бастап 30 қыркүйекке дейін қолданыста болады (бұйрыққа сілтеме http://zan.gov.kz/client/#!/doc/169579/kaz).

Қаржы министрлігінің Мемлекеттік кірістер комитетінің хабарлауынша,  бұл ретте бұйрық қолданысқа енгізілген күнге дейін Қазақстан және ЕАЭО кедендік заңнамасына сәйкес экспорттың кедендік рәсімі бойынша орналастырылған және шығарылған тауарлар Қазақстан аумағынан кедергісіз әкетуге жатады.

Е.Кебекбай