Ақмола облысында канадалық технология бойынша сүт фермасы салынып жатыр
Ақмола облысының Целиноград ауданында 1600 басқа арналған тауарлы сүт фермасы салынуда.
Аудан әкімдігінің мәліметінше, «Мәншүк-АЭ» жауапкершілігі шектеулі серіктестігі сүт өндірісінде канадалық технологияны енгізуді жоспарлап отыр.
Бұл технология бойынша мал суық каркасты қорада ұсталады.
«Мәншүк-АЭ» жауапкершілігі шектеулі серіктестігінің директоры Тимур Пшенов атап өткендей, бұл - ірі қараны ұстауда экономикалық және энергия үнемдеу жағынан тиімді әдіс.
Сонымен бірге сүт бағасының құнын арзан етуге мүмкіндік береді.
«Бүгінгі таңда құрылыс құрылыс жұмыстарының 75 пайызы орындалды. Соңғы 15 жылда бұл - Целиноград ауданындағы алғашқы жоба. Мұнда толық автоматтандырылған сауу жүйесі, импорттық жабдық болады. Мұндай тауарлы сүт фермасы Солтүстік Қазақстан облысының Ясная поляна ауылындағы шаруашылықта бар. Олар 15 жылдан бері жұмыс істеп келеді. Біз осы модель бойынша олардың тәжірибесіне сүйене отырып, канадалық әдіспен бизнес құрып жатырмыз», - деп бөлісті Тимур Пшенов.
Кәсіпкердің айтуынша, «Мәншүк-АЭ» жауапкершілігі шектеулі серіктестігі құрылысты жыл соңына дейін аяқтап, голштейн-фриз тұқымды 1600 бас ірі қара мал сатып алуды жоспарлап отыр.
Бүгінгі таңда бұл - әлемдегі ең өнімді тұқым. Орташа алғанда, бір голштейн сиыры жылына 10 тонна сүт береді, ал ең сүтісінен 25 тонна сүт сауылады.
