Алматы облысында көктемгі егіс науқанына дайындық мығым

Алматы облысы бойынша ауыл шаруашылығы дақылдарының жалпы егіс көлемі 966,4 мың гектарға жетті. Соның жартысынан астамына дәнді дақылдар егіледі, деп хабарлайды «Хабар 24». Сонымен қатар 83 мың гектар жерге жүгері, ал 163,3 мың гектар алқапқа  майлы дақылдар егу жоспарланып отыр.

Қазіргі уақытта облыста 300 мың гектарға жуық жер жыртылған. 2020 жылға арналған болжамдық егіс құрылымына сәйкес, 233 мың тоннадан астам ауыл шаруашылығы дақылдарының тұқымы сатып алынды. Көктемгі дала жұмыстарына ауыл шаруашылығы техникасының 97 проценті дайын. Жанар-жағармаймен, тыңайтқышпен қамтамасыз ету мәселесінде де ешбір түйткіл жоқ. Жетісу жерінде көктемгі егіс жұмыстарын жүргізуге 19 мың тонна дизель отыны қаралған. Оның 1 литрі шаруаларға 165 теңгеден беріледі.

Ақпарат көзі: https://24.kz/kz/zha-aly-tar/o-am/item/387701-almaty-oblysynda-k-ktemgi-egis-nau-anyna-dajyndy-my-ym