Астық нарығындағы ахуалды шиеленістіру кімге тиімді?

Астық нарығында дүрбелең тудырып, бағаны өсіруге  мүдделі юбоп отырғандар пайда болды. ҚР Ауыл шаруашылығы   таратқан ақпаратқа қарағанда,   оған кейбір бұқаралық ақпарат құралдарының да қатысы бар болуы мүмкін. Мәселен, медиа-порталдардың бірінде жарияланған материалда нақты жағдайды бұрмалайтын іс-әрекеттер, сондай-ақ бірқатар әлеуметтік маңызы бар азық-түлік тауарлары: нан, ұн, ет және жұмыртқа бағасының өсуіне қатысты алаңдаушылық туралы спекуляциялау байқалғаны. 

Үкімет әлеуметтік маңызды азық-түлік тауарлары бағасының күрт өсуін болдырмау жөнінде пәрменді шаралар кешенін әзірлегенін еске салған министрлік, әкімдер де қажетті шараларды қабылдайтын жеткізді. Атап айтқанда бағаларды реттеу шараларының ішінде тұрақтандыру қорлары және ірі сауда желілерін қаржыландыру да бар. 

         Қазақстан әлемнің түрлі елдеріне жылына 7-8 млн тонна астық пен ұн экспорттайды.  2020 жылы оның 2 млн тоннадан астамы Ауғанстанға жөнелтілді. QazTrade деректері бойынша, Қазақстан аумағында жұмыс істейтін 300 ұн экспорттаушының 49-ы тек Ауғанстанға жүк жөнелтумен айналысады,  183-і өзге нарықпен және ауған нарығымен де өзара іс-қимыл жасауда. Қазақстандық ауыл шаруашылығы өнімдерін Солтүстік Ауған провинциялары - Балх, Бағлан, Тахар және Құндыз, сондай-ақ астан астаналық аймақ және Қабул қаласы пайдаланады.

Ауыл шаруашлығы минстрлігінің ақпаратына қарағанда, биыл Ауғанстандағы саяси ахуалдың өзгеруі сауда операцияларының тоқтауына алып келген еді. Соның нәтижесінде біраз уақыт бойы банкаралық транзакциялар мен теміржол вагондарын жеткізу мүмкін болмады. Қазіргі уақытта бұл проблемалар шешілді: транзакциялар үшінші елдердің банктері арқылы жүзеге асырылады, вагондарды жөнелту қалпына келтірілді. Қыркүйек пен қазан айының басында Қазақстаннан Ауғанстанға 60,2 мың тонна ұн мен 15,6 мың тонна астық жөнелтілді. Алдағы уақытта енді экспорт қайта жанданатын   болады. 

Ерлік Кебекбай