Ауыл шаруашылығы өнімдерін форвардтық сатып алуға бөлінген қаржы 80 млрд теңгеге дейін ұлғаяды

14 қаңтардан бастап «Азық-түлік келісім шарт корпорациясы» ұлттық компаниясы» АҚ форвардтық сатып алу бағдарламасы бойынша көктемгі-жазғы дала жұмыстарын жүргізу үшін ауыл шаруашылығы тауарын өндірушілерді қаржыландыруға өтінімдерді қабылдауды бастады.

Жалпы еліміздің ауыл шаруашылығы тауарын өндірушілеріне көктемгі дала жұмыстарына дайындалуға бөлінетін қаржы биыл 80 млрд теңгеге дейін ұлғайтылмақ. Бұл 2021 жылғы деңгейден 2 есеге жоғары. Мәселен, ауыл шаруашылығы өнімдерін форвардтық сатып алу бағдарламасы бойынша ауыл шаруашылығы тауарын өндірушілерге бөлінген аванстық төлем көлемі 2020 жылдың көктемгі кезеңінде 24,4 млрд теңге, ал 2021 жылы шамамен 40 млрд теңгені құрады. Сондай-ақ сатып алынатын дақылдардың тізімі де жұмсақ бидай, қатты бидай, арпа, сұлы, күнбағыс, зығыр, рапс, соя, қарақұмық және жүгерімен толықты.

Сондықтан ауыл шаруашылығы тауарын өндірушілерді қаржыландыруға құжат тапсыру үшін фермерлер «Азық-түлік келісім шарт корпорациясы» ҰК» АҚ-ның аймақтық бөлімшелеріне хабарласуы немесе fcc.kz сайтында онлайн-өтінім беруі қажет.

1. «Азық-түлік келісім-шарт корпорациясы» ҰК» АҚ форвардтық сатып алуды мынадай тәртіппен қаржыландырады: қамтамасыз етуді ұсынғаннан кейін алдын ала төлем; ауыл шаруашылығы өнімдерін жеткізгеннен кейін күзгі кезеңдегі қосымша ақы.

2. Ауыл шаруашылығы өнімдерінің түрлері: жұмсақ бидай, қатты бидай, арпа, сұлы, қарақұмық, күнбағыс, майлы зығыр тұқымдары, рапс, соя, жүгері.

3. Форвардтық сатып алу арқылы сатып алынатын ауыл шаруашылығы өніміне алдын ала төлем көлемі:

№ р/с	Дақылдардың атауы	Алдын ала төлем көлемі, теңге/тонна
		Жеткізуші 9 тармақтың 1.1 тармақшасына сәйкес		Жеткізуші 9 тармақтың 1.2 тармақшасына сәйкес		Жеткізуші 9 тармақтың 1.3 тармақшасына сәйкес		Жеткізуші 9 тармақтың 1.4 тармақшасына сәйкес		Жеткізуші 9 тармақтың 1.5 тармақшасына сәйкес		Жеткізуші 9 тармақтың 2.1 тармақшасына сәйкес
		ҚҚС-пен	ҚҚС-сыз	ҚҚС-пен	ҚҚС-сыз	ҚҚС-пен	ҚҚС-сыз	ҚҚС-пен	ҚҚС-сыз	ҚҚС-пен	ҚҚС-сыз	ҚҚС-пен	ҚҚС-сыз
1	Жұмсақ бидай (Triticum aestivum L.)	80 000	71 500	60 000	53 500	60 000	53 500	50 000	45 000	50 000	45 000	80 000	71 500
2	Қатты бидай (Triticum durum Desf.)	80 000	71 500	60 000	53 500	60 000	53 500	50 000	45 000	50 000	45 000	80 000	71 500
3	Арпа	70 000	62 500	50 000	45 000	50 000	45 000	40 000	35 000	40 000	35 000	70 000	62 500
4	Сұлы	70 000	62 500	50 000	45 000	50 000	45 000	40 000	35 000	40 000	35 000	70 000	62 500
5	Қарақұмық	130 000	116 000	110 000	98 000	110 000	98 000	100 000	89 000	100 000	89 000	130 000	116 000
6	Күнбағыс	130 000	116 000	110 000	98 000	110 000	98 000	100 000	89 000	100 000	89 000	130 000	116 000
7	Майлы зығыр тұқымдары	130 000	116 000	110 000	98 000	110 000	98 000	100 000	89 000	100 000	89 000	130 000	116 000
8	Рапс	130 000	116 000	110 000	98 000	110 000	98 000	100 000	89 000	100 000	89 000	130 000	116 000
9	Соя	130 000	116 000	110 000	98 000	110 000	98 000	100 000	89 000	100 000	89 000	130 000	116 000
10	Жүгері	70 000	62 500	50 000	45 000	50 000	45 000	40 000	35 000	40 000	35 000	70 000	62 500

4. Міндеттемелердің орындалуын қамтамасыз ету – әлеуметтік-кәсіпкерлік корпорацияның кепілдігі немесе Азық-түлік келісім-шарт корпорациясының контрагент-банктерінің тікелей және шартты міндеттемелері бойынша белгіленген лимиттер шегінде екінші деңгейдегі банктің кепілдігі;

5. Міндеттемелерді орындау мерзімі: 1) бидай, арпа, сұлы, қарақұмық, зығыр, рапс, соя, жүгеріні жеткізу кезінде - 2022 жылғы 1 қарашаға дейін; 2) күнбағысты жеткізу кезінде – 2022 жылғы 15 қарашаға дейін.

6. Жеткізу шарттары: 1) EXW «франко-зауыт» (Инкотермс-2020) Азық-түлік келісім-шарт корпорациясы белгілеген астық қабылдау кәсіпорындарына;

2) Азық-түлік келісім-шарт корпорациясы қарақұмық, күнбағыс жеткізу кезінде Жеткізушіге ауыл шаруашылығы өнімін Корпорацияның шарттық қатынастары бар ауыл шаруашылығы өнімін қайта өңдеушінің қоймаларына өткізуді ұсынуға құқылы.

7. Ауыл шаруашылығы өнімін жеткізу сәтінде Азық-түлік келісім-шарт корпорациясы белгілеген 5% көлеміндегі дисконтты шегере отырып, сатып алу бағасына сәйкес көлемде алдын ала төлем сомасына ауыл шаруашылығы өнімін жеткізуге рұқсат етіледі.

8.Азық-түлік келісім-шарт корпорациясы ауыл шаруашылығы өнімін сатып алу бағаларын жеткізу кезеңінде нарықта қалыптасқан бағаларға, ауыл шаруашылығы өнімін өндіру көлеміне, негізгі шекара өткелдеріндегі ұқсас ауыл шаруашылығы өніміне экспорттық бағаларға байланысты белгілейді.

9. Форвардтық сатып алу төмендегідей жүзеге асырылады:

1) әлеуметтік-кәсіпкерлік корпорацияның кепілдігімен:

1.1) 2020 - 2021 жылдардағы форвардтық сатып алу шартының талаптарында көзделген ауыл шаруашылығы өнімінің көлемін жеткізу жөніндегі міндеттемелерді орындаған Жеткізушілерден. Бұл ретте осы Жеткізушілерді қаржыландыру мынадай есеппен жүзеге асырылады: Азық-түлік келісім-шарт корпорациясының өзге де бағдарламалары шеңберінде қаржыландыруды алу кезінде мәлімделген егіс алаңын шегере отырып, егіс алаңының 1,5 гектарына ауыл шаруашылығы өнімінің 1 тоннасы;

1.2) алдын ала төлем және одан артық сомаға ауыл шаруашылығы өнімінің көлемін жеткізу бойынша міндеттемелерді ішінара орындаған, 2020 - 2021 жылдардағы форвардтық сатып алу шарты шеңберінде айыппұл төлеген және Азық-түлік келісім-шарт корпорациясы алдында берешегі жоқ Жеткізушілерден. Бұл ретте осы Жеткізушілерді қаржыландыру мынадай есеппен жүзеге асырылады: Азық-түлік келісім-шарт корпорациясының өзге де бағдарламалары шеңберінде қаржыландыруды алу кезінде мәлімделген егіс алаңын шегере отырып, егіс алаңының 2 гектарына ауыл шаруашылығы өнімінің 1 тоннасы;

1.3) 2020 - 2021 жылдардағы форвардтық сатып алуға қатыспаған Жеткізушілерден. Бұл ретте осы Жеткізушілерді қаржыландыру мынадай есеппен жүзеге асырылады: Азық-түлік келісім-шарт корпорациясының өзге де бағдарламалары шеңберінде қаржыландыруды алу кезінде мәлімделген егіс алаңын шегере отырып, егіс алаңының 2 гектарына ауыл шаруашылығы өнімінің 1 тоннасы;

1.4) 2021 жылғы форвардтық сатып алу шарттары бойынша міндеттемелерді орындау мерзімін 2022 жылғы 1 қарашаға дейін ұзартқан Жеткізушілерден. Бұл ретте осы Жеткізушілерді қаржыландыру мынадай есеппен жүзеге асырылады: 2021 жылғы форвардтық сатып алу шарттары бойынша міндеттемелерді орындау мерзімін ұзарту кезінде мәлімделген егіс алаңын шегере отырып, сондай-ақ Азық-түлік келісім-шарт корпорациясының өзге де бағдарламалары шеңберінде қаржыландыруды алу кезінде мәлімделген егіс алаңын шегере отырып, егіс алаңының 2 гектарына ауыл шаруашылығы өнімінің 1 тоннасы.

Міндеттемелерді орындау мерзімін қайта ұзартуға рұқсат етілмейді;

1.5) 2021 жылғы форвардтық сатып алу шарттары бойынша ауыл шаруашылығы өнімінің көлемін жеткізу бойынша міндеттемелерді орындамаған немесе ішінара орындаған, алайда бұл ретте алдын ала төлем сомасына міндеттемелердің орындалуын қамтамасыз еткен, оның ішінде ақшалай қаражатпен және айыппұл төлеген Жеткізушілерде. Бұл ретте осы Жеткізушілерді қаржыландыру мынадай есеппен жүзеге асырылады: Азық-түлік келісім-шарт корпорациясының өзге де бағдарламалары шеңберінде қаржыландыруды алу кезінде мәлімделген егіс алаңын шегере отырып, егіс алаңының 2 гектарына ауыл шаруашылығы өнімінің 1 тоннасы.

2) банк кепілдігімен:

2.1) осы тармақтың 1) тармақшасында көрсетілген Жеткізушілерде. Бұл ретте осы Жеткізушілерді қаржыландыру мынадай есеппен жүзеге асырылады: Азық-түлік келісім-шарт корпорациясының өзге де бағдарламалары шеңберінде қаржыландыруды алу кезінде мәлімделген егіс алаңын шегере отырып, егіс алаңының 1,5 гектарына ауыл шаруашылығы өнімінің 1 тоннасы.

10. Форвардтық сатып алуға қатысатын жеткізушілерге қойылатын талаптар:

1) салық төлеу бойынша берешектің, міндетті зейнетақы жарналарын, міндетті кәсіптік зейнетақы жарналарын және әлеуметтік аударымдарды төлеу бойынша берешектің болмауы;

2) қаржы институттары алдында 30 күннен астам мерзімі өткен берешегінің болмауы;

3) оңалту рәсімін қолдану туралы немесе банкрот деп тану туралы сот шешімдері бар дәрменсіз борышкерлердің тізімдерінде болмауы, сондай-ақ сомаларды өндіріп алу/міндеттемелерді мәжбүрлеп орындау туралы орындалмаған сот актілерінің болмауы;

4) сот актілерімен және/немесе қылмыстық/азаматтық/әкімшілік істер материалдарымен белгіленген астықтың нақты болуымен қамтамасыз етілмеген астық қолхаттарын Азық-түлік келісім-шарт корпорациясының пайдасына беру фактілерінің болмауы;

5) Жеткізушіде және/немесе Жеткізушімен үлестес (байланысты) тұлғаларда (үлестестігін белгілеу мүмкін болған кезде) Азық-түлік келісім-шарт корпорациясымен және/немесе оның еншілес және тәуелді ұйымдарымен даулы құқықтық қатынастардың болмауы;

6) Азық-түлік келісім-шарт корпорациясының ішкі нормативтік құжаттарында көзделген өзге де талаптар.

Әлеуетті жеткізушілердің форвардтық сатып алуға қатысуға өтінімдері Азық-түлік келісімшарт корпорациясының интернет-ресурсында электрондық нысанда қабылданады (www.fcc.kz) немесе қағаз түрінде Азық-түлік келісім-шарт корпорациясының облыстық өкілдіктерінде келесі мекенжайлар бойынша қабылданады:

Ақмола облысы: Көкшетау қ., Нұрсұлтан Назарбаев даңғылы, 19, тел.(8-716-2) 55-11-51, 55-11-54, 55-11-52, 42-25-22, +7 701 795 09 98;

Қостанай облысы: Қостанай қ., Тәуелсіздік к-сі, 147, тел. (8-714-2) 53-11-44, 54-28-20, 54-28-94;

Солтүстік Қазақстан облысы: Петропавл қ., Партизанская к-сі, 160, тел.(8-715-2) 42-27-24, 42-27-23, 55-11-64, 55-11-61;

Шығыс Қазақстан облысы: Өскемен қаласы, Бейбітшілік көшесі, 30, 206 кеңсе, тел. (8-723-2) 25-44-77, 56-06-57.

Өтінім нысаны мен қажетті құжаттар тізімін Азық-түлік келісім-шарт корпорациясының www.fcc.kz сайтынан жүктеп алуға болады.

Форвардтық сатып алу жөнінде қосымша ақпарат алу үшін Азық-түлік келісім-шарт корпорациясының Орталық аппаратына хабарласыңыз:

8 (717-2) 59-12-32 (ішкі 2358), 59-12-39, 59-12-65, 59-13-07.

Е.Кебекбай, журналист