Айдарбек Сапаров: 27 ірі жер иеленушінің орнына 27 инвестор келді
Ауыл шаруашылығы министрі Айдарбек Сапаров ірі жер иеленушілердің жері орта деңгейдегі инвесторларға берілгенін айтты.
«Бұл мәселелер кезінде болды. Үлкен компаниялар жұмыс жасаған. Олардың орнына бөлек инвесторлар келді. Мысалы, үлкен компания дегенде 27 қожалық болса, олардың орнына 27 орташа инвестор келді. Олардың бәрі жұмыс істеп жатыр, пайларын таратып беріп жатыр. Енді ұсақ-түйек мәселелер бар. Олар шешілетін мәселелер», - деді Ақордада тілшілер сұрағына жауап берген Айдарбек Сапаров.
Айта кетейік, бүгін Президент Қасым-Жомарт Тоқаев Ақордада Албания Президенті Байрам Бегаймен кездесіп жатыр.
Сапар аясында екі ел басшылары ертең сауда-экономикалық, көлік-логистикалық, инвестициялық және гуманитарлық салалардағы ынтымақтастықты нығайту мәселелері бойынша келіссөздер жүргізеді.
Сонымен қатар президенттер халықаралық және өңірлік жағдайлар жөнінде пікір алмасады деп күтіледі.