Қазақстан алдындағы бүкіл міндетімізден құтылдық: Қырғызстан Жамбыл облысына су жіберу жайында

Мекеме ақпараты бойынша, су қоймасының жобалық көлемі – 550 млн текше метр. Биыл одан қырғыз тарапы 21 сәуірде 445,6 млн текше метр кезінде су жібере бастады.

«Су Қазақстан мен Қырғызстан қол қойған су бөлу туралы хаттама мен кестеге сәйкес беріліп отырды. Қазіргі уақытта Қырғызстан Қазақстан алдындағы бар міндетін орындады», - деп атап өтті Қырғыз Ауыл шаруашылығы министрлігі.

22 тамыздағы жағдай бойынша, Киров суқоймасының көлемі – 14,5 млн текше метр, бұл былтырғы жылмен салыстырғанда 6,3 есе немесе 92,1 млн текше метрге көп.

Бүгінгі күні судың келуі секундына 0,7 текше метр. Көрсеткіш көтеріліп жатқан жоқ. 2022 жылы судың келуі секундына 13,7 текше метр болған, яғни 19,6 есе көп.

Қырғыз Республикасы Ұлттық қауіпсіздік мемлекеттік комитеті (ҰҚМК) шекара қызметінің ақпараты бойынша, бүгін 12:00-де «Ақтілек-Автодорожный» өткізу пунктінің алдында Қырғызстаннан шығу үшін 430 көлік кезекте тұр.

Кеше 18:00-де күтіп тұрған ауыр жүк көліктерінің саны 370 болған.

Бір тәулік ішінде Қазақстаннан Қырғызстанға 274 автокөлік кірді.

Қырғыз Республикасы ҰҚМК шекара қызметі ешқандай шектеу енгізген жоқ және өткізу пункті қалыпты режимде жұмыс істеп тұр.

Бұл жағдайға Қырғыз Республикасы Ауылшаруашылығы министрлігінің Ирригация ғылыми-зерттеу институтының директоры, экономика ғылымдарының докторы Улан Чортомбаев пікір білдіріп, шекарадағы мәселе бойынша Қазақстан билігіне үндеу жолдады.

Еске салайық, бүгін Премьер-Министрдің өкімімен су тапшылығы болған Жамбыл облысындағы 6 ауданда өңірлік ауқымдағы табиғи сипаттағы төтенше жағдай жарияланды.

Сонымен қатар бүгін өткен Үкімет отырысында Премьер-Министр Әлихан Смайылов биыл құрғақшылық салдарынан жиналатын өнім көлемі азайып қалуы мүмкін екенін айтты.

Ауыл шаруашылығы министрінің айтуынша, егіс алқабы қурап кеткен жамбылдық шаруалардың шығыны өтелді.