Қазақша
  • Қазақша
  • Русский

Қазақстан үкіметі түйе шаруашылығын субсидиялау мәселесін қолға алды ма?

Өңірде қандай жаңалықтар бар? Қасым-Жомар Тоқаевтың үкіметке берген тапсырмасы жүзеге асуда ма?

Қазақстан үкіметі түйе шаруашылығын субсидиялау мәселесін пысықтап, адай жылқысы асыл тұқымды жылқы ретінде өсіріліп, тағы бір қазақстандық брендке айналдырмақ.

«Маңғыстаудың табиғаты түйе өсіруге өте қолайлы екені белгілі. Қазір облыста 90 мыңға жуық түйе бар. Республика бойынша түйе өнімдеріне сұраныс өте жоғары. Одан алынатын шикізатты терең өңдеуден өткізу қажет. Бұл тауар түрін көбейтіп, оның бағасына оң әсер етеді. Үкіметке түйе шаруашылығын қолдау бойынша мемлекеттік шараларды күшейту мәселесін пысықтауды тапсырамын. Бұл саланы субсидиялау жолдарын да қарастыруымыз керек», - деген еді  Мемлекет басшысы Қасым-Жомарт Тоқаев облыс жұртшылығымен кездесуінде.

Сондай-ақ ол «Маңғыстаудың қайталанбас қазынасы» деуге болатын Адай жылқысы елдің тағы бір брендіне айнала алады деп есептейді.

«Бұл айғырлардың әсіресе шөлге, алыс қашықтыққа төзімділігі баршаға аян. Маңғыстаулық жылқылар халықаралық ұзақ қашықтыққа марафондық жарыстарға үнемі қатысады. Қазақтың Адай жылқысын әлемге таныта алсақ, ол тағы бір тамаша брендімізге айналады. Сондықтан үкіметке оны асыл тұқымды мал ретінде ғылыми тұрғыдан тану және өсіру үшін дереу тиісті шаралар қабылдауды тапсырамын".