Қазақстанда қанша қасқыр бары анықталды

Қазақстанда қанша қасқыр бары анықталды

ҚР Экология, геология және табиғи ресрустар министрлігінің  Орман және жануарлар дүниесі комитетінің хабарлауынша, Қазақстанда 2021 жылы шамамен 15 мың қасқыр болды. Оның 4 824-ін аулауға рұқсат етілді.  

Жалпы елімізде соңғы бес жылда, қасқырлардың саны 13-18 мың басты көрсетіп түрде салыстырмалы тұрақты болып тұр. Бұл биологиялық стандарттар бойынша қалыпты көрсеткіш болып табылады.  Комитеттің баспасөз қызметінің мәліметіне қарағанда, қасқыр популяциясын реттеу мемлекеттік қызмет. Бұл үшін тиісті рұқсаттарды облыстық  орман шаруашылығы және жануарлар дүниесі аумақтық инспекциялары электронды түрде, egov.kz порталы арқылы қатаң түрде бөлінген лимиттік шектерде береді.

         Қасқыр Қазақстанның  барлық аумағында кең таралған жануардың бірі саналады.  Оның  популяциясының тығыздығы мекендейтін аймақтың табиғи-климаттық ерекшеліктеріне байланысты әртүрлі. Биологиялық зерттеулері бойынша бір қасқыр жылына орта есеппен 10-ға жуық тұяқты жануарларды  жейді. Синантропты жануарлар түріне жататын қасқырдың адамның  іс-әрекетіне бейімделе алады. Ғалымдардың пікірінше, Қазақстанда сондай-ақ мал шаруашылығы дамыған елдерде қасқыр азығының кемінде 40%-ын ауыл шаруашылығындағы үй жануарлары да қамтуы мүмкін. Қасқыр табиғатынан ақылды, ұйымдастыру сезімі жоғары дамыған жыртқыш. Ол аңдар мен үй жануарларын өте жақсы ажыратады. Жабайы аңдарға шабуылдаудан гөрі үй жануарларын олжалау оңай екенін түсінеді.

Қасқырлардың санына келетін болсақ, қазіргі уақытта  аумаққа қатысты оңтайлы санының жалпы қабылданған стандарты жоқ. Қазақстанда қасқырдың саны аңшылық шаруашылық субъектілерінен, сондай-ақ табиғаттты қорғау мекемелерінде жиналған мәліметтер негізінде анықталады Қасқыр популяциясын басқару бойынша шешімдер ол мекендейтін жердің климаттық-географиялық, экологиялық және басқа да ерекшеліктеріне байланысты шығарылады. Мәселен, Ресейде 17,1 млн шаршы шақырымды құрайтын ауданында қасқырлардың саны 65-70 мың данаға  жуық. Бізде  мемлекеттік тапсырыс есебінен ешқандай ғылыми зерттеулер жүргізіліп жатқан жоқ.

Ерлік ЕРЖАНҰЛЫ