Батыс Қазақстанда пайдаланылмай бос жатқан 503 мың гектар жер анықталды

БҚО әкімдігінен мәлім еткеніндей, материалдар тексеру үшін облыстық жер ресурстарын басқару департаментіне жолданды.

Күні бүгін 221,6 мың гектар жер мемлекет меншігіне қайтарылды. Соның ішінде 212,1 мың гектар жерді пайдаланушылар өз еріктерімен бас тартты.

Ал 9,5 мың гектар жер телімін мәжбүрлеп алу жөнінде мамандандырылған ауданаралық экономикалық сотының шешімі шықты.

Сонымен қатар 103,9 мың гектар жерді пайдаланушылар мақсатына сай игеруге кірісті.

Қалған 178,2 мың гектар жер бойынша аталған департамент тексеру жүргізіп жатыр.

Босаған жер телімдерін шаруаларға беру конкурстық негізде жүзеге асады.

«Биыл Орал қаласы бойынша коммерциялық бағыттағы 50 гектар жер телімінің пайдаланылмай отырғаны белгілі болды. Материалдар тексеру үшін облыстық жер ресурстарын басқару департаментіне берілді. Саяжай кооперативтері бойынша жалпы алаңы 40 гектардан асатын 544 иесіз жер телімі анықталды. Бұларды иесіз нысан ретінде тіркеу үшін әділет органдарына жіберілді. Тіркелгеннен кейін бір жыл өткен соң материалдар жерді мемлекеттік меншікке қайтару үшін сот органдарына беріледі», деп хабарлады ведомстводан.

Дереккөз: https://www.inform.kz/kz/auyl-sharuashylygy_s10466