Қазақша
  • Қазақша
  • Русский

Бидай мен бидай ұнын сыртқа шығаруға шектеу енгізілді

Бидай мен бидай ұнын сыртқа шығаруға шектеу енгізілді

8 шілдеден бастап 30 қыркүйекке дейін Қазақстан аумағынан бидай мен меслинді, бидай және қара бидай ұнын әкетуге шектеу енгізілді. Ол «Қазақстан Республикасы аумағынан жекелеген тауарларды әкетудің кейбір мәселелері туралы» Ауыл шаруашылығы министрінің міндетін атқарушының 5 шілдедегі № 215 бұйрығымен жүзеге асып отыр.

Сандық шектеулер Қазақстан аумағынан үшінші елдерге және Еуразиялық экономикалық одақ елдеріне 550 мың тонна көлемінде бидай мен меслинді (СЭҚ ТН коды – 1001) және 370 мың тонна көлемінде бидай және қара бидай ұнын (СЭҚ ТН коды - 110100) әкетуге (квоталар) енгізілді. Қаржы министрлігінің Мемлекеттік кірістер комитетінің хабарлауынша,  бұл шектеулер Қазақстанның азық-түлік қауіпсіздігін қамтамасыз ету мақсатында енгізіліп отыр.  Бұл ретте бұйрық қолданысқа енгізілген күнге дейін Қазақстан және ЕАЭО кедендік заңнамасына сәйкес экспорттың кедендік рәсімі бойынша орналастырылған және шығарылған тауарлар Қазақстан ң аумағынан кедергісіз әкетуге жатады.

Е.Кебекбай