"Дені сау төл өсіру- табыс кепілі"

    Құрметті халайық, қазір көктем туып, малдың ауызы көкке тиіп, адамдардың ауызы аққа тиіп атқан мәре-сәре шақ. Малдың төлдеп шаруа адамына қосымша жүк артылғаны анық. Сондықтан сіздерге "Мал шаруашылығының ғылыми инновациялық орталығының" сарапшысы М.Т. Какимовтың "Дені сау төл өсіру табыс кепілі" деген кеңесімен бөлісе кетуді жөн санап отырмын. Ең алдымен ірі қараны, оның ішінде сүтті пародасын өсіру үшін бұл шаруаның егжей тегжейін бағамдап алған дұрыс. Жем-шөп сапасы мен бұзауды қалай ұстау, сақтау жағына аса көп көңіл бөлу керек. Жаңа туған төлдің алғашқы күнінен дұрыс ауыздандыру мен оның жем-шөпке өтуіне дейінгі аралық аса маңызды рөль атқарады. Болашақта табын-табын сүтті сиырлардың пайда болуы, оның төл кезіндегі дұрыс азықтануының нәтижесі.

    Бұл іске немқұрайлы, жүрдім-бардым қарауға болмайды...!!!

    Шаруа алдымен өзіне дұрыс мақсат қоя білу керек. Сүтті бағытты таңдап, болашақта өз күн көрісін осы сүтті өндіріп оны әрі қарай дұрыс тарату, өткізу жағын қолға алу керек. Бұндай әрекеттер төлдің қырыққабатының(асқазаны) ішкі шырыш қабаты мен безінің қалыпты дамуына жағдай жасайды. Төлді дұрыс баптап өсірудің ішіндегі ең бастысы: бұзау туа салысымен 40-60 минут ішінде енесінің уызына жарып, қанып емуі маңызды. Бұзаудың өз салмағының 10% шамасында уызға жарып қоректенуі, оның алда жақсы дамуына, өсуіне керекті алғышарт. Осы орайда осыған байланысты қазақта екі аталы сөз бар. 1-сі уызында жарыған, жарымаған , 2-сі мал болады, болмайды деген...))) ⠀⠀⠀⠀⠀⠀⠀⠀⠀⠀⠀⠀⠀⠀⠀⠀

     Қатаң еске ұстайтын жайт! Ірі қара малдың АІЖ(асқазан ішек жолдары) ерекше баптауды қажет етеді. Себебі: ірі қара малдың АІЖ жайлап, ақырындап өз қалпына, дамуына әкеледі. Жас төлдің, бұзаудың алғашқы кезеңінде тек ұлтабары ғана істейді. Бұл жаңадан мал шаруашылығымен айналыса бастаған шаруалардың өте қатаң ескеретін жағдай. Ал қырыққат, қырыққабаты мен қарыны 3-4 апта ішінде толық қалыптасып болады. ⠀⠀⠀⠀⠀⠀⠀⠀⠀⠀⠀⠀⠀⠀⠀⠀

    3-4 күннен кейін жас бұзауды кептіріліп түйіршіктелген дәнді дақылдар мен сұлы жармасымен азықтандыруға болады. Бұзауларды, төлді 3-4 айға дейін анасының сүтімен қоректендіру желіннің үрпісі (сүт сауатын, шығатын) мен сүт безінің қалыпты дамуына, болашақта сүт өнімділігінің артуына әкеледі.

     Ғылыми жағына келер болсақ бір литр уызда 3-6% антиденелер(иммунитет күшейтетін элементтер) немесе 30-60гр иммуноглобулин болады. Бұзау иммунының (қорғаныш қабілеті) жақсы дамуы үшін ең аз дегенде 120гр иммуноглобулин қажет. Тағы да бұзауды аман сақтау мен жетілдіру, мал қылу жолы оған отандық "Полилактавит" пребиотигін беру. Осы пребиотикті ішкен төлдің асқорытуы мен АІЖ жақсы дамуы, әрі түрлі мал ауруларына қарсы профилактика болып табылады. Тәуелсіз сарапшы Бахытжан Ғайыпназар. Әрқашан сіздердің қызметтеріңізге әзір...)))