Экология министрі қант қызылшасын суаруға қатысты алаңдаушылық білдірді
Экология және табиғи ресурстар министрі Зүлфия Сүлейменова ауыл шаруашылығы өнімдерін суаруға қатысты пікір білдірді.
«Су тапшылығына қатысты жағдай қиын. Дегенмен биыл вегетациялық кезеңнің аяқталғанын атап өткен жөн. Шілде айында біз мұздықтардың еру жағдайы өзгермесе және қарқынды еру мен жоғары ағын болмаса, ауыл шаруашылығы дақылдары бойынша жекешелендіруді кезең-кезеңімен жүргізетінімізді айттық.
Ендігі мәселе қант қызылшасына қатысты болып отыр. Қант қызылшасы суды көп көлемде қажет етеді. Оны қазан айына дейін суарып отыру керек. Сондықтан бұл жерде мәселе тек су көлемінің азаюымен ғана емес, суды көп талап етуінде болып отыр. Жалпы ауыл шаруашылығында суды көп қажет ететін өнімдер бар», - деді Зүлфия Сүлейменова Үкімет отырысынан кейін БАҚ өкілдерінің сауалына жауап бере тұрып.