Елдегі астық қоймалары қанша тонна бидай қабылдай алады
ҚР ауыл шаруашылығы министрі Айдарбек Сапаров Үкімет отырысында елдегі астық қабылдау кәсіпорындарының дайындығы туралы баяндады.
«Бүгінгі күні барлық элеваторлар жоспарлы режимде жаңа астықты қабылдауға материалдық-техникалық дайындығы бойынша жұмыстар жүргізіп жатыр. Дайындық жұмыстары шілде айының соңында аяқталады», - деп жауап берді министр.
Оның айтуынша, қазір қолда бар астық қоймаларының жалпы көлемі шамамен 30 млн тоннаны құрайды. Бұл жаңа астықты сақтауға жеткілікті.
«Оның ішінде 4 млн тоннаға лицензия алған 191 элеваторлар бар, сонымен қатар, шаруашылықтардың өзінде 16,4 млн тонна сыйымдылығы бар қоймалар бар. Барлық мәселелер министрліктің бақылауында», - деді Айдарбек Сапаров.
Бұған дейін А. Сапаров бидай, күріш алқаптары қысқарып, майлы дақылдарға басымдық берілгенін айтқан еді.