Елімізде ветеринар тапшы – Төрт түлік арасында ауру өршіп тұр

Мәжілісте малдың да жайы айтылды. Төрт түлік арасында ауру өршіп тұр. Өткен жылмен салыстырғанда ірі қарада таралатын бруцеллез – екі, күйдіргі алты пайызға көбейген. Түрлі індеттің тарауына шеттен әкелінген мал да әсер етіп жатыр дейді мәжілісмендер.

Ерлан Барлыбаев, Мәжіліс депутаты:

- Импорт асыл тұқымды мал әкелу  бағдарламаларын іске асыруда бізге көп мәселе тудырып отыр. Елге инфекциялық ринотрахеит, блютанг, нодуляр дерматит, Шмалленберг, вирустық диарея сияқты аурулар кірді. Мал басындағы жұқпалы аурулар өлім және мәжбүрмен сою, аурудан кейінгі өнімділік төмендеуі, оларды вакциналау және емдеу шығыны, сондайақ карантин шаралары. Барлығы фермерлерге ғана емес, жалпы ел экономикасына тікелей зиян келтіреді.

Ал төрт-түліктің амандығына жауап беретін ветеринар тапшы. Әсіресе жастардың бұл салаға деген қызығушылығы тым төмен дейді ауыл шаруашылығы министрі. Елдегі ветеринар мамандардың орта жасы 40-55 аралығында. Мал дәрігерлерінің бұлай «қартайып» кетуіне себеп те жоқ емес. Жұмыс шаш етектен, жалақы мардымсыз, жүктемесі көп. Сол себепті ауыл шаруашылығы министрлігі ветеринарлардың жұмысын жеңілдетуді көздеп отыр. «Ең алдымен, оларды қағазбастылықтан арылту керек», - дейді министр Қарашөкеев. Өйткені цифрландырудан бұл сала тыс қалған. Ол үшін жыл соңына дейін төрт түлікті тіркеуге арналған «Мал дерек» арнайы қосымшасы әзірленбек.

Мамандардың жалақысын көтеруді де жоспарлап отыр. «Бірақ бұл жергілікті әкімдіктердің бюджетіне қарай жүзеге асырылады», - дейді ауыл шаруашылығы министрі.

Источник: https://www.ktk.kz

Фото: http://fishki.net