Фермерлер құрғақшылықтан сақтандыру субсидиясына қол жеткізеді

Биыл агроөнеркәсіп кешенінде маусым айынан бері ерікті сақтандыру жүйесі жұмыс істей бастады.Сақтандыру құны төмендету үшін сақтандыру шартын жасаған фермерлердің сақтандыру сыйақысының 50%-ын мемлекет субсидиялады. Арнайы құрылған сараптама кеңесі сақтандыру сыйақыларының бір бөлігі субсидияланатын сақтандыру өнімдерін бекітті. Бұл топырақтағы ылғалдың артық болуына байланысты сақтандыру; топырақ ылғалы тапшылығының индексін сақтандыру; топырақ ылғалы тапшылығының индексін сақтандыру. Жасалған шарттарға сәйкес 15маусымдағы дерек бойынша 57 фермер мемлекеттік қолдауға ие болды. Олардың жалпы сомасы 82 миллион теңге болатын сақтандыру сыйақыларының бір бөлігі субсидияланды.
Сақтандыру шартын жасасудан бастап сақтандыру жағдайын тіркеуге дейінгі процесс Qoldau.kz платформасындағы «Agroinsurance» ақпараттық сервисінде жүзеге асырылады. Онда хабарламалар жеке кабинетке келіп, бәрі автоматты режимде атқарылады. Тіпті сақтандыру жағдайы орын алған кезде комиссияларды жинаудың және сақтандыру комиссарын егіс алқабына апарудың қажеті жоқ.
Көпшілік қауым үшін мониторингтің қалай жүргізілетіні қызықты екені күмәнсіз. Топырақта ылғалының көлеміне байланысты спутниктен жіберілетін микротолқындарды көрсететін қасиет болады. Ылғалды және құрғақ топырақ микротолқындардың түрлі мөлшерін көрсетеді.Осылайша, жүйе топырақтың жай-күйін күнделікті жазады және өнімін сақтандырған әрбір фермер бұл процесті Qoldau.kz порталындағы жеке кабинетінен көре алады.
Спутниктерден алынған деректерді көптеген Еуропа елдерінің фермерлеріне осындай қызметтерді көрсететін голландиялық Вандерсат компаниясы қабылдайды және өңдейді.Сақтандыруды қызметтері порталда қолжетімді қазақстандық сақтандыру компаниялары жүзеге асырады. Бір сөзбен айтқанда, сақтандырудың бүкіл процесі онлайн форматта іске асырылады.
Жеке кабинетте фермер алаңды таңдайды, сақтандыру компаниясын анықтайды, сақтандыру сыйақысын төлейді, субсидиялауға өтінім береді, топырақтағы ылғалдың өлшеу процесін бақылайды, ылғал тапшылығы тіркелген болса, хабарлама алады, электронды цифрлық қолтаңба арқылы төлем туралы өтінішке қол қояды.
Сақтандыру компанияларымен жасасқан шарт аясында жауын-шашынның аздығынан, ауа температурасының жоғарылығы мен ылғалдың төмен болуы салдарынан топырақтағы ылғал тапшылығы индексі бойынша 1-кезеңнің (15 мамырдан 15 маусымға дейін) сақтандыру төлемдері жасалды. 2-кезеңде (15 маусымнан 15 шілдесіне дейін) топырақта ылғал тапшылығы байқалса сақтандыру төлемдері жасалады. 3-кезең бойынша сақтандыру қорғанысы 15 шілде мен 15 тамыз аралығына сәйкес келеді. Осы кезеңде құрғақшылық күшейе түседі деген қауіп бар.Әрине, бұл жерде басты мақсат сақтандыру төлемдері емес. Агроөнеркәсіп кешенінде сақтандыру саласының операторы ретінде жұмыс жасайтын «ҚазАгро» ұлттық басқарушы холдингінің еншілес компаниясы – Ауыл шаруашылығын қаржылай қолдау қорының мәліметіне қарағанда  өсімдік шаруашылығымен айналысатын фермерлердің тәуекелдерді басқарудағы тиімді жолы әзірге тек осы. 
 
 
Қордың баспасөз қызметінің материаы бойынша әзірлеген Е.Кебекбай