Мал шаруашылығында өзгеріс бар.

    Ауыл шаруашылығы министрлігінің мәліметі бойынша 9 айда елімізде 2 244,7 млрд теңгенің мал шаруашылығы өнімі өндірілген. Бұл өткен жылдың сәйкес кезеңімен салыстырғанда 3,7% жоғары. Атап айтқанда, 844 мың тонна мал мен құс союға өткізіліп, ондағы өсім 7,5%-ды құраған. Оның ішінде сиыр еті 361,3 мың тоннаға (4,9%), қой еті 101,6 мың тоннаға (1,6%), жылқы еті 97,6 мың тоннаға (6,2%), құс еті 208,5 мың тоннаға (21,3%) ұлғайды. Шошқа еті 56,8 мың тоннаға дейін (3,6%) төмендеді.

    Шаруашылықтардың барлық санаттарында ірі қара мал саны 4,7% ұлғайған. Сондай-ақ шет елдерден 15 498 бас асыл тұқымды ірі қара әкелінген. Оның 1 735-і сүтті, 3 611-і сүтті және етті, 10 152-сі етті тұқымдар.

    507 бордақылау алаңы бар. Өндірістік қуаттылықтар бойынша үздік үштікке кіретін БҚО (58,2 мың мал орны), Түркістан (46,4 мың мал орны) және Алматы (40 мың мал орны) облыстарының үлес салмағы 37% (144,6 мың мал орны) құрайды. Бүгінгі күні бордақылау алаңдарының нақты жүктемесі 35%-ды құрайды.

    20 қазандағы жағдай бойынша Ақмола, Қостанай, Солтүстік Қазақстан облыстарында 3 өнеркәсіптік сүт-тауар фермасы пайдалануға берілді. Сондай-ақ Ақмола, Алматы, Қостанай, Павлодар, Солтүстік Қазақстан облыстары мен Шымкент қаласы 10 отбасылық сүт-тауар фермасы іске қосылды.

Ерлік Кебекбай Журналист