Жамбыл облысының шаруаларына «артық» малы үшін айыппұл салына бастаған

Енді облыста мал басының саны жер телімінің көлеміне сәйкес келмейтін шопандарға айыппұл салынады. Қазірдің өзінде 130-ға жуық шаруа 1 миллионнан 7 миллион теңгеге дейінгі айыппұл салыныпты. Айтуларынша, енді шаруалар үйлеріне жақын аумақта отар-отар қой, табын сиыр, жылқы ұстауға мәжбүр.

"Президент мал басын көбейтеміз деді. Біз өсірдік, енді малдар жерге сыймайды деп маған 5,5 миллион айыппұл салынды. Мал басы жер көлеміне сәйкес келмейді дегенді сылтау қылды», - дейді шаруа Болат Тайсенгеров.

Ол жерде қой бағу үшін тұрғындар он жылдай орман қорынан жерді жалға алып келген. Енді олар артық мал үшін айыппұл салуға наразы.

Бұған дейін шаруалар Байзақ орман және жануарлар дүниесін қорғау мекемесінен ескерту алғанымен, айыппұлды артық деп есептейді. Айтуларынша, жануарлардың қоршаған ортаға зияны жоқ. Қойшылар ара-тұра мал жайылымын сақтап қалу үшін басқа жаққа көшетінін айтады. Мекеме басшылары өз кезегінде мұндай шараны қабылдауға прокуратураның ескертуі түрткі болғанын түсіндірді.

"Ветеринарлық инспекцияның қорытындысы бойынша бұл жерлерде не болып жатқанын анықтап, прокурорларға жауап беруіміз керек», - деді Байзақ орман және жануарлар дүниесін қорғау мекемесінің директоры Бауыржан Желеубаев.

Мекеме прокурорларды асығыс қорытынды жасамай, өздері келіп, қой санауға шақырады. Стандарт бойынша бір мал басына 7 гектар жер қажет. Ал жергілікті шаруалардың кемінде 1000 қойы бар, яғни әрқайсысына 7000 гектар жер қажет. Байзақтағы орман қоры 150 кәсіпкерді бірден жайылыммен қамтамасыз ете алмайды. Сондықтан халық не артық малдан құтылуы керек, не қомақты айыппұл төлеуі керек екен. 

Бұл дұрыс па? Қазақтың кең байтақ жеріне төрт-түлігіміз сыймаса не болдық?