«СЫБАҒА» БАҒДАРЛАМАСЫНА ҚАТЫСҚАН ШАРУАЛАР ҚИЫН ЖАҒДАЙДА ҚАЛДЫ
Субсидияға сүйеніп Еуропадан герефорд сиырын сатып алған кәсіпкерлер миллион теңге қарызға батып қалды. Шетелден асыл тұқымды мал жеткізіп отырған делдал оператор алдап кеткен. Енді шаруалар соттың табалдырығын тоздыруға мәжбүр болған.
Үш жыл бұрын баянауылдық шаруа Теміржан Қишев «Сыбаға» бағдарламасына қатысып, 85 миллион теңге несие алған болатын. Еуропадан асыл тұқымды мал жеткізіп жатқан оператордың есеп айырысу шотына бір тиын да қалдырмай ақша аударады.Содан бері 100 бас сиырдан бірде-бір хабарлама түскен жоқ. Енді несиені берген ұйымға қарызын өтеуі керек.
«Бізге әкімнің бұрынғы орынбасары Өтешов Мейрам Олжабайұлы оператор тауып берді. Біз операторлармен келісім-шартқа отырдық. Ақшасын төледік, мал келмеді. Жоқ малды қалай төлейміз», – дейді қожалық басшысы Теміржан Қишев.
Ақтоғайлық диқандарда да осындай жағдай.
Өткен жылдың күзінде шаруалар қостанайлық операциялық компанияны сотқа берді. Екі жағдайда да жеңді. Алайда фирма банкротқа ұшырады. Осы себепті сот орындаушылар ештеңе істей алмай отыр екен.
«Біз мемлекеттік қызметшілер ретінде оларды несие алуға міндеттей алмаймыз. Біз тек қабылдауды ұсынамыз. «Сіз қатыса алатын бағдарлама бар». Оларда асыл тұқымды мал болса, субсидия беретін едік. Біз ешкімді мәжбүрлей алмаймыз», – дейді облыстық ауыл шаруашылығы басқармасы басшысының орынбасары Төлеген Көшербаев.
Бүгін шаруаларға несие берген корпорация қарызды өтемегені үшін сотқа шағым түсірді.