ТҮЙЕНІ ҚАҒЫП КЕТІП, 14 МЛН-ҒА ТҮСТІ
Маңғыстау облысында жол-көлік оқиғасына түйе түрткі болды.
Маңғыстау облысында жол-көлік оқиғасына түйе түрткі болды. Exeed VX иесі Шетпе – Жетібай трассасында жол жиегінде тұрған көліктің салдарынан алдынан атып шыққан түйені байқамай қалып, қағып кеткен. Әрине, жануар опат болды, ал көлікке келген шығын 14 млн теңгеге бағаланды.
Сот жүргізушіні кінәлі деп тапқан. Сәтін салғанда, КАСКО «Евразия» полисінің арқасында көлік иесі 14,1 млн теңге сақтандыру төлемін алды.
Егер оқиға болған жерде «мал айдап өту» деген белгі болса, онда жауапкершілік жүргізушіге жүктеледі. Ал болмаған жағдайда мал иесі жауап береді. Егер жабайы жануар кесірінен оқиға орын алса, онда көлікті иесі өзі жөндейді. Ал үй малы себепкер болған жағдайда, жауапкершілікті мал иесі мойнына алады.
«Әрине, шығынды сот арқылы мал иесінен өндіріп алуға болады, бірақ оған қожайынның шамасы жетпеуі мүмкін. Сондықтан КАСКО «Евразия» полисінің иесі болсаңыз, сақтандыру компаниясы төлем жасап береді», – дейді компания өкілі.