Талдықорғанда 2300 гектардан аса пайдаланылмаған жер анықталды

Аэроғарыштық зерттеулер арқылы 2306 га пайдаланылмайтын жайылымдық жер анықталды Мониторинг нәтижесінде облыс орталығы аумағында 2306 жайылымдық жердің 2009 гектары қайта пайдалануға берілді. Қалған 296 гектар жердің 3 меншік иелеріне бір ай мерзімде заң бұзушылықты жою туралы хабарлама жолданды. «Коммерциялық мақсаттағы пайдаланылмаған жерлерге келетін болсақ, қаланың оңтүстік-батыс бөлігінде 1997-2021 жылдар аралығында қолданысқа беріліп, игерілмеген 110 жер телімі анықталды. Анықталған заң бұзушылықтарға қатысты тиісті шара қабылдау үшін ақпарат облыстық Жер ресурстарын басқару департаментіне жолданды», - деді Талдықорған қаласының әкімі Әсет Масабаев.

Бұдан өзге, коммерциялық мақсаттағы жер учаскелерін бөлудің ашықтығын қамтамасыз ету мақсатында, 2022 жылғы қараша айында пилоттық режимде екі жер теліміне қатысты «Геопортал» деректер базасында аукцион өткізілді. Бұл рәсім аукцион қатысушылары тарапынан оң бағаға ие болды.