Тоқаев Жамбыл облысы Қостөбе ауылының тұрғынына жем-шөп турағыш құрылғыны сыйға тартты
Мемлекет басшысы Қасым-Жомарт Тоқаев Қостөбе ауылы тұрғынының қосалқы шаруашылығында болды.
Президент жергілікті тұрғындардың бірінің жеке шаруашылығын аралап көрді.
Саламат Рахманбердиев 2020 жылы «Ауыл аманаты» жобасы аясында 2,5 пайыздық мөлшерлемемен 3,6 миллион теңге несие алды. Осы қаражатқа алты бас ірі қара, үш жылқы, 10 қой сатып алды.
"Кәсіпкер мал бордақылаумен айналысады. Түскен қаржыға мал басын көбейтіп, жүк көлігі сатып алды. Саламат отбасын асырап қана қоймай, екі ауыл тұрғынын да жұмыспен қамтамасыз етті", - делінген хабарламада.
Президент Саламат Рахманбердиевке жем-шөп турағыш сыйлады / Фото Ақорда сайтынан
Ауыл тұрғыны Қасым-Жомарт Тоқаевқа мал басын көбейту үшін мал бордақылау орнын ашып, жеңілдетілген мөлшерлемемен 10 миллион теңге несие алуды жоспарлап отырғанын айтты.
Мемлекет басшысы Саламат Рахманбердиевке табыс тілеп, "Қомағай" жем-шөп турағышын сыйға тартты.
Сілтемені басыңыз: https://maltabu.kz/advertisement/show/oma-ay-zhem-sh-p-tura-yshy